Yanacağa necə qənaət edək?- SÜRÜCÜLƏR ÜÇÜN QAYDALAR

Avtomobil alarkən yəqin ki, insanların ən çox diqqət etdiyi məsələlərdən biri avtomobilin nə qədər yanacaq işlətməsi ilə bağlıdır. Bəzən isə avtomobili idarə etdikdə normada göstərilən həddən çox yanacaq işlədir. Bunun məlum səbəbləri ilə yanaşı sürücülərin bilmədiyi səbəblər də var. Ancaq araşdırmalar göstərib ki, sürücülər bəzi tövsiyələrə əməl etdikdə yanacaq sərfinə 40 faiz qənaət edə bilərlər. 

Bəzi sürücülər avtomobilin yanacaq sərfinin yalnız modelindən və texniki göstəricilərindən asılı olaraq artıb-azaldığını düşünürlər. Ustalar deyir ki, sürücülər bəzi qaydalara əməl edərsə yanacağa 40 faizədək qənaət edərlər.

Yanacaq sərfi avtomobil tıxacda olduğu zaman artır. Ancaq sürücülər belə vəziyyətdə də qənaət edə bilərlər. Bunun üçün qarşıdakı avtomobillə ara məsafəsini elə saxlamaq lazımdır ki, tez-tez əyləci sıxmağa ehtiyac qalmasın. Sürəti tədricən azaltmaq və tədricən artırmaq lazımdır.

Yanacağa qənaət etməyin digər bir yolu avtomobilin hava süzgəclərini təmiz saxlamaqdır.

Kondisionerdən istifadə də maşının yanacaq sərfinə təsir göstərir. Kondisaner işlətmək yanacaq sərfini şəhər kənarında 3-4, şəhər içində isə 10 faiz artırır.

Xəzər Xəbər