Yapon yük maşını Azərbaycanda yığılacaq

Yaponiyanın “Isuzu Commercial Truck” şirkəti Azərbaycanda “İsuzu” markalı yük avtomobillərinin komplektlər əsasında yığılmasına başlayıb. Avtosfer.az xəbər verir ki, bu barədə fins-ə “İsuzu” avtomobillərinin rəsmi satış nümayəndəliyi olan “azauto” şirkətindən bildirilib. Şirkətin əməkdaşı Fərəc Quliyev yapon şirkətinin Azərbaycanda il ərzində 500 yük avtomobili yığmağı hədəflədiyini deyir.

Onun sözlərinə görə, hələlik yığım sınaq rejimində aparılır: “Bu tam yığılma deyil. Belə ki, yalnız kabina, şassi və təkərlər Yaponiyadan gətirilərək burada yığılır. Hazırda “İsuzu”nun Azərbaycanda zavodunun Xırdalan şəhərində tikintisi gedir. Gələn ilin ortalarından normal istehsala başlanacaq. Yük maşınlarının burada yığılması onun qiymətini aşağı salacaq”.