Yayda mühərriki qızdırmaq lazımdırmı?

Qışda soyuq mühərrikin qızdırılması barədə sürücülər arasında ümumi rəy mövcuddur. Lakin yayda, havanın temperaturu 30 dərəcə Selsini aşarkən buna lüzum varmı? Bu sual bir çox sürücüdə tərəddüd yaradır. 

Avtosfer.az xəbər verir ki, rusiyalı ekspertlər hətta yayda da mühərrikin qızdırılmasınınb tərəfdarıdırlar. Lakin bu zaman söhbət 10-15 dəqiqədən deyil, təxminən 1 dəqiqədən gedir.

Konstantin Ojoqin səbəbi də izah edir.
Ekspert bildirir ki, ən qabaqcıl texnologiyalar belə, təbiət qanunlarından üstün deyil. Dayanmış mühərrikdə yağ karterə süzülür. Yayda bu proses daha sürətli gedir.

 Lakin, mühərrik işə salınan kimi bütün detallara yağ bir anda çatmır. Bu səbəbdən mühərriki təxminən bir dəqiqə yerində işlətmək bütün sistemin tam yağlanmasına kömək edir. Beləliklə, aşınma ləngiyir. 

Bundan sonra hərəkətə aşağı sürətlə başlayıb tədricən sürəti artırmaq lazımdır. 

Ekspert qeyd edir ki, bu yolla həm də ötürmələr qutusunun ömrünü uzatmaq mümkündür.

Vüqar