Yeni "Bugatti" modelləri üçün dördillik növbə mövcuddur

"Bugatti" ən azı 2029-cu ilə qədər yeni avtomobillər istehsal edəcək. Belə ki, hazırda istehsalçının bu dövrədək sifarişləri mövcuddur. Avtosfer.az Oxu.az-a istinadən xəbər verir ki, bu barədə şirkətin dizayn direktoru Frank Heylin "CarBuzz"a danışıb. Onun fikrincə, dördillik növbə şirkətə sabit mövqe təmin edir. "Bugatti" tez qazanc əldə etmək üçün riskli layihələrə qoşulmadan öz gələcəyini sakit şəkildə planlaşdıra bilər", - deyə Heylin bildirib. O əlavə edib ki, şirkətin bu müddət ərzində istehsal edəcəyi modellər arasında hazırda son sınaqdan keçən "Bolide" və "Tourbillon" modelləri də var. Onların müştərilərə təhvil verilməsinə yalnız 2026-cı ildə başlanılacaq. Bu modellər 1800 at qüvvəsinə malik V16 mühərriklə təchiz edilib və baza dəyəri 4 milyon dollardır.