Yol polisi toy karvanlarına nəzarəti gücləndirdi

Toy mövsümünün başlaması paytaxtda yenidən tıxaclara səbəb olub. Şadlıq saraylarının qarşısında qanunsuz parklanmalar DYP-ni hərəkətə keçirib. Bakı şəhər Baş Polis İdarəsi Dövlət Yol Polisi İdarəsinin bölmə rəisi Vaqif Əsədov bildirib ki, yol polisi toy karvanları ilə əlaqədar nəzarəti gücləndirəcək. "Toy karvanları həddən artıq qayda pozuntularına yol açır. Qanunsuz parklanmalar, işıqforun qırmızı işığında keçmələr, təhlükəli manevrlər yollarda qəza riskini artırır. Bu isə paytaxt sakinlərinin narahatlığı və narazılığına səbəb olur"- deyə polkovnik qeyd edib. Vaqif Əsədov bildirib ki, toy karvanında avtomobil sayının çox olması yolverilməzdir.