Yol polislərinin paradı keçirildi - General yoxladı - FOTOLAR+VİDEO

Bu gün Dövlət Bayrağı Meydanında Avropa Yay Olimpiya Oyunlarına hazırlıqla əlaqədar olaraq Bakı şəhər Baş Polis İdarəsinin (BPİ) Dövlət Yol Polisi İdarəsinin şəxsi heyətinə sıra baxışı keçirilib. Avtosfer.az-ın məlumatına görə, sıra baxışında Baş Polis İdarəsinin rəisi, polis general-mayoru Mirqafar Seyidov, onun müavini, general-mayor Səhlab Bağırov, Bakı şəhər Dövlət Yol Polisi İdarəsinin rəisi, polkovnik Nüşrəvan Səfərov və başqaları iştirak edib. Polkovnik Nüşrəvan Səfərovun general-mayor Mirqafar Seyidova məruzəsindən sonra Azərbaycanın dövlət himni səslənib. Daha sonra Mirqafar Seyidov şəxsi heyətin sıra baxışını keçiriğb. Yol polislərinin geyimi, fiziki hazırlığı ilə maraqlanan rəis onların hazırlıq səviyyəsindən razılığını bildirib və DYP rəhbərliyinə təşəkkür edib. 

Şəxsi heyət qarşısında çıxış edən Mirqafar Seyidov Olimpiya Oyunları ilə bağlı öz tapşırıq və tövsiyyələrini verib. General bildirib ki, yol polisləri daim öz üzərində işləməli, idmanla məşğul olmalı, sürücülərlə münasibətdə hər bir vəziyyətə hazırlıqlı olmalıdır.

Daha sonra yol polislərinin paradı keçirilib. Şəxsi heyətin ardınca yol polisi avtomobillərinin və motosikletlərin də paradı baş tutub.

Elməddin