Yollarda diqqətli olun! – 110-luq yolda 90-la radara düşənlər var - VİDEO

Bəzən olur, yük avtomobillərinin sürücüləri magistral yollarda radara düşməsi ilə bağlı polisə narazılıq edir. Daha doğrusu, sürücülər saatda 110 km sürət olan yolda saatda 90 kilometr sürətlə radara düşdüyünə etiraz edir. Yol polisi belə sürücülərə yol kənarındakı yük avtomobilləri üçün olan nişanlara diqqət etməyi tövsiyə edir.

Yolun üstündəki nişanda 110, kənarındakı nişanda isə 70 və üzərində də yük avtomobilinin şəkli var. Bu o deməkdir ki, sözügedən yolda minik maşınları üçün maksimal sürət həddi saatda 110 km, yük avtomobilləri üçünsə 70 km-dir.

Bəzən yük avtomobili sürücüləri belə 110 kilometrlik yolda 80 və ya 90 sürətlə radara düşdüyünə görə polisə narazılıq edir. Sürücülər arasında belə bir sual yarana bilər ki, bəs necə radar qurğusu eyni yolda yüksək sürətdə minik maşınlarını yox məhz yük maşınlarını çəkə bilir.

Sürücülərin digər etriaz etdiyi məqam da məhz avtomobilin kütələsinin 3,5 tondan aaz olması məsələsidir. yəni nisbətən kiçik olan yük avtomobillərinin sahibləri avtomobillərinin həmin çəkidən yüngül olduğunu iddia edirlər. amma nəzərə almaq lazımdır ki 3,5 ton avtomobilin sadəcə öz çəkisi üçün yox onun yük tutma qabiliyyəti ilə birgə nəzərə alınır.

Sorğu zamanı təcrübəsi çox olan yük avtomobili sürücülərinin əksəriyyəti bundan xəbərdar olduqlarını dedilər. Qeyd edək ki, yük avtomobili sürücüləri onlar üçün olan maksimum sürət həddini əgər aşarsa 50-250 manat və 4 cərimə balı ilə cərimələnirlər.