“106 gün ərzində 7500 km yol qət etmişəm”

Gündəm 23 May 2024 22:12 Oxunub 282
“106 gün ərzində 7500 km yol qət etmişəm”
WhatsApp kanalımıza abunə ola bilərsiniz

106 gün ərzində 7500 km yol qət etmişəm. "Report"un məlumatına görə, bunu jurnalistlərə açıqlamasında Bakıda səfərdə olan mərakeşli ultramarafonçu Karim Mosta bildirib.

Dünya çempionu Azərbaycanda olmaqdan məmnunluğunu ifadə edib:

"Hamıya minnətdarlığımı bildirirəm. Cənab səfirin burada olması da mənim üçün böyük şərəfdir. Uşaqlarla velosiped sürmək çox yaxşı oldu. Digər ölkələri ziyarət etmək, fərqli insanlarla tanış olmaq istədim. Kasablankadan bura 106 gün ərzində 7500 km qət etmişəm. Hər olduğum ölkədə gözəl qarşılandım. Yol uzandıqca insan daha təəccüblü hadisələrlə rastlaşır. Sərhədi keçdiyim gündən Azərbaycanda yalnız gözəl insanlarla rastlaşıram. Polis əməkdaşları yol göstərirlər, hətta nəyisə başa salırlar, çay verirlər. İsmayıllıdakı velosiped zavodunu da ziyarət etdim.

K.Mosta bundan sonrakı marşrutunu da açıqlayıb:

"Xəzər dənizini görmək arzusunda idim. Daha sonra Qazaxıstan, Qırğızıstan, Tacikistan və Çinə gedəcəm. Bununla da marafonu bitirəcəm. Ümumilikdə Kasablankadan Pekinə 15 000 km getməyi planlaşdırıram. Azərbaycana səfərim dağlıq ərazilərdən başlayıb. Daha sonra səhralığı keçdim. İndiyədək 145 ölkə keçmişəm, Azərbaycana gəlmək arzuma nail olmuşam. Səyahətim bitməyib. Çinə doğru gedəcəm. Məqsədim 9 əsr bundan öncə mərakeşli İbn Bakutanın keçdiyi yolları yenidən qət etməkdir. O, Azərbaycanı dəvələrlə, ayaqla keçib. Mən isə bunu velosipedlə edirəm. Azərbaycandan çox gözəl xatirələrlə gedəcəm".

ŞƏRH YAZ
Ad

E-mail

Şərh