125 yaşlı Azərbaycan kinosu - FOTO

Bu il Azərbaycan kinosunun 125 yaşı tamam olur. Avqustun 2-də Azərbaycanda Milli Kino Günü qeyd olunur. 

Avtosfer.az xəbər verir ki, Azərbaycan kinosunun tarixi 1898-ci ildən başlayır. Fransadan (Lümer qardaşları) qısa müddət sonra 1898-ci ildə fotoqraf Aleksandr Mişon Bakıda "Balaxanıda neft fontanı" və "Bibiheybətdə neft fontanı yanğını" adlı xronikal süjetləri lentə almaqla milli kinomatoqrafiyamızın əsasını qoydu.
 
"Bibiheybətdə neft fontanı yanğını" və Balaxanıda neft fontanı" 2001-ci ildə Azərbaycan Dövlət Film fondunun təşəbbüsü ilə Fransanın Kino arxivindən Azərbaycana gətirilib və hazırda fondda qorunub saxlanılır. Filmlər “Youtube”a da yerləşdirilib.

18 dekabr 2000-ci il tarixində Azərbaycan Respublikasının Prezidenti H.Əliyevin sərəncamı ilə avqustun 2-si kino işçilərinin peşə bayramı - Azərbaycan Kinosu Günü elan edilib.