55 saylı avtobusun sürücüsü dəfələrlə qayda pozdu - Sərnişinlər NARAZIDIR - VİDEO

Paytaxtda fəaliyyət göstərən bəzi marşrut xətti üzrə işləyən avtobus sürücülərindən kütləvi şikayət mövcuddur.
Onlardan biri 55 saylı müntəzəm marşrut xətti üzrə işləyən avtobusların sürücüləridir.
Avtosfer.az-ın məlumatına görə, bu barədə görüntü sosial şəbəkədə paylaşılıb. Bakıxanov qəsəbəsində hərəkətdə olan 99-LF-649 dövlət nömrə nişanlı avtobusun sürücüsü qayda pozaraq sərnişinləri təhlükəyə atıb. Belə ki, o nəqliyyat vasitəsini dayanacaqdan kənar saxlayaraq sərnişinləri mindirib-düşürür. Eyni zamanda orta zolağı zəbt edən sürücü digər hərəkət iştirakçılarına əngəl törədir. Vətəndaşların iddiasına görə, qeyd olunan müntəzəm marşrut xətti üzrə hərəkət edən avtobusun bütün sürücüləri qayda pozurlar.
Qeyd edək ki, İnzibati Xətalar Məcəlləsinin 346.3-cü maddəsinə əsasən, ümumi istifadədə olan nəqliyyat vasitəsini sərnişinləri mindirmək və ya düşürtmək üçün bu məqsədlə xüsusi olaraq müəyyən edilmiş dayanacaq meydançalarından və ya 5.12, 5.13 nişanları ilə işarələnmiş dayanacaq yerlərindən kənarda dayandırmağa görə yüz manat məbləğində cərimə edilir.
Xatırladaq ki, avtobus idarə edən sürücülər arasında qayda pozanlar kifayət qədərdir.
Nəqliyyat vasitəsini yüksək sürətlə idarə edən, dayanma-durma qaydalarını pozan, avtobusu dayancaqdan kənarda saxlayan sürücülər sərnişinlərin haqlı narazılığına səbəb olur. Lakin bəzi avtobus sürücüləri sərnişinlərin etirazına fikir vermədən “öz qaydaları” ilə hərəkət edir. Xüsusilə intervala görə sürücülər arasında tez-tez mübahisə yaranır. Lakin bu “davada” belə zərər görən sərnişinlər olur. Sürücülərin lüzumsuz mübahisələriylə yanaşı sürət yarışına girmələri təhlükəli hal yaradır. Digər tərəfdən vaxtına qənaət edən bəzi sürücülər avtobus zolağından öndə və ya arxada saxlamaqla sərnişinləri mindirir və ya düşürür. Bu isə onların həyatını riskə atır və avtomobillərin hərəkətinə maneə törədir.
Nərmin
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO












