ABŞ Konqresi Ukraynaya yeni uzaqmənzilli raketlərin göndərilməsini tələb edib

ABŞ Konqresi Ukraynaya HIMARS çoxmənzilli raket sistemləri (MLRS) üçün yeni uzunmənzilli ATACMS raketlərinin göndərilməsini tələb edir. Foodinfo.az xəbər verir ki, bu barədə “Politico” qəzeti məlumat yayıb.

Nəşrin məlumatına görə, ABŞ Konqresinin Nümayəndələr Palatasının Respublikaçılar Partiyasından olan 10 üzvü ABŞ prezidenti Co Baydenə müvafiq tələblə məktub göndərib. "Ukrayna ordusunu bu silahlarla operativ şəkildə təmin etməklə, biz onun qələbə şansını əhəmiyyətli dərəcədə artıra biləcəyik", - parlamentarilər yazıblar.

Qeyd edilir ki, ATACMS raketləri 305 kilometrdən çox məsafə qət edir ki, bu da Ukrayna ordusunda artıq istifadə olunan HIMARS raketlərinin mənzilindən demək olar ki, dörd dəfə çoxdur.

Leyla