“Apar” tətbiqindəki xəritə ilə velosiped zolaqlarını görmək olacaq - FOTO

Bakını müasir velosipedlərin kirayəsi ilə təmin edən “Apar”ın tətbiqində yenilik edilib.

Avtosfer.az xəbər verir ki, bundan sonra tətbiq istifadəçiləri Bakıdakı velosiped zolaqları barədə məlumat ala biləcək.

Tətbiqə əlavə edilən xəritə vasitəsilə velosiped sürücüləri artıq paytaxtın hansı küçələrindən necə istifadə edəcəklərini biləcəklər.

Xəritədə göy xətlərlə göstərilən hissələr velosiped xətlərini və hansı küçəyə qədər davam etdiyini bildirəcək.

Tətbiqdəki xəritə velosiped sürücülərinə məlumat verməklə yanaşı, həm də paytaxtdakı velozolaqları tamamlamaq üçün də kömək etmiş olacaq. Qeyd edək ki, əvvəlki yeniliklə sürücülər üçün veloparkinqlərin yerini öyrənmək mümkün olmuşdu.

Səfər