Avtobus və metrolarda ödənişlərlə bağlı yeniliklər ola bilər

“Kiçik, həmçinin orta təsərrüfat subyektlərində kart və ya digər rəqəmsal ödəniş imkanlarının qəbul edilməsi, eyni zamanda nəqliyyatda ödəniş kartlarının qəbul edilməsi imkanlarının yaradılması Azərbaycan üçün çox aktualdır”.

Avtosfer.az xəbər verir ki, bunu Azərbaycan Mərkəzi Bankının Ödəniş sistemləri və hesablaşmalar departamentinin direktoru Kəmalə Qurbanova deyib.

O, nəqliyyatda da rəqəmsal ödənişlərin təmin edilməsi məsələsinin aktual olduğunu vurğulayıb:

“Biz növbəti il ən azından Bakı şəhərində istər metrolarda, istərsə də avtobuslarda bu rəqəmsal ödənişləri aktiv edə bilsək, eləcə də kiçik və orta subyektlərdə kart qəbulu imkanını yaratsaq, bugünkü göstəriciləri planlaşdırdığımız həddən də yuxarı qaldıra bilərik”. 

Oxu.Az