Avtomobillərdən oğurluq edən şəxs saxlanılıb - Bakıda

Bakıda avtomobillərdən oğurluq edən şəxs tutulub. Daxili İşlər Nazirliyinin (DİN) Mətbuat Xidmətindən Avtosfer.az-a verilən məlumata görə, hadisə Nəsimi rayonu ərazisində qeydə alınıb.

Məlumata görə, 20-ci Polis Bölməsinin əməkdaşlarının keçirdikləri əməliyyat zamanı iyunun 14-də “Peugeot” markalı avtomobildən pul, skeyt və videoqeydiyyat cihazı oğurlamaqda şübhəli bilinən Abşeron rayon sakini A.Əlimərdanov saxlanılıb.

Polis əməkdaşları tərəfindən onun daha üç avtomobildən oğurluğa cəhd göstərməsi də müəyyən edilib.

Faktla bağlı araşdırma aparılır.

Namiq Musayev