Azərbaycanda bir gündə iki zəlzələ - “Zəlzələlər ...”

Son günlərdə Türkiyədə baş verən təkanlar insanlarda qorxu yaradıb, hətta 1 nəfər ürək tutmasından vəfat edib. Mən həmişə qeyd edirdim ki, Türkiyədə zəlzələlər davam edəcək, ərazi kəskin dərəcədə intensivləşib. Onsuzda o ərazi mürəkkəb seysmik aktivliyə malikdir, son illərdə daha da aktivləşib. Türkiyədə törəmə zəlzələ də olacaq. Bu zəlzələ tipi mürəkkəb seysmik zonalar aiddir. Bir ocaqda baş verən zəlzələdən sonra adətən kiçik maqnitudalı zəlzələ olur, burada isə qəfil təkandan sonra yenidən bir güclü təkan olur, bu, törəmə zəlzələdir. Digər ocaqları da oyada bilər”. 

Avtosfer.az xəbər verir ki, bunu "demokrat.az"a açıqlamasında seysmoloq Qulam Babayev deyib. O bildirib ki, qonşu ocaqlarda aktivlik olursa, Azərbaycan sabit qala bilməz:

“Bu, fizika qanunlarına ziddir. Azərbaycanda da aktivləşmə var, ilin sonuna qədər də davam edəcək. Bu aktivlik nəticəsində hiss olunan zəlzələlər qaçılmazdır. Lakin qonşu ölkələrdəki qədər intensiv deyil. Bu gün Şamaxıda baş verən zəlzələ mənim dediklərimin bir təzahürüdür, zəlzələlər davam edəcək. Dağıdıcı zəlzələlər Azərbaycanda gözlənilməzdir, lakin hiss olunan zəlzələlər qaçılmazdır. Dərinlik də burada rol oynayır. Yer üzünə yaxınlıqda baş versə, əlbəttə daha çox hiss olunacaq. Davamlı olaraq bu cür zəlzələlərin şahidi olacağıq”.