Azərbaycanda bu avtomobillərin ekranı bloklanacaq – İyunun 1-dən

Bəzi avtomobil markaları Azərbaycana qeyri-rəsmi gətirilir. Bu markalardan biri də “Zeekr”dir.

Avtosfer.az-ın əldə etdiyi məlumata görə, iyunun 1-dən region üzrə, yəni Azərbaycan, Qazaxıstan, Gürcüstan, Özbəkistana qeyri-rəsmi gətirilən avtomobillərin ekranı bloklanacaq.

Belə ki, avtomobilin işində heç bir məhdudiyyət olmasa da, ekrandakı funksiyalardan istifadə etmək mümkün olmayacaq. Həmçinin ekrana çin dilində yazı çıxacaq. Hətta avtomobildəki telemetrika dəyişdirilsə belə, vəziyyət dəyişməz qalacaq.

Xatırladaq ki, bu bloklama yalnız 2024-cü ilin may ayı və bu aydan sonrakı dövrdən istehsal olunan avtomobillərə şamil olunacaq.

Məhəbbət Tərlanoğlu