Azərbaycanda bu dərmanın istifadəsi qadağan edildi? - Nazirlik AÇIQLADI - VİDEO

Son zamanlar apteklərdə "fosfalyugel" adlı dərman vasitəsini tapmaq müşkülə çevrilib. Əməkdaşlarımız da bu gün çəkiliş zamanı bir neçə aptekdə olub və bu dərman vasitəsinin satışda olub-olmaması ilə maraqlanıblar. Əczaçılar "dərman satışda yoxdur" deyirlər. Aidiyyəti qurum isə dərman vasitəsinin satışında heç bir qadağanın olmadığını qeyd edir. 

Bəzi informasiya saytlarında "Fosfalyugel" adlı daxilə qəbul edilən gelin satışdan yığışdırılması ilə bağlı xəbərlər yayımlanıb. Səhiyyə Nazirliyinin Analitik Ekspertiza Mərkəzindən bildirilib ki, burada söhbət bu preparatın satışının tamamilə dayandırılmasından deyil, sadəcə bir seriyasının geri çağırılmasından gedir...

Əgər bu dərman vasitəsi istifadəyə yararlıdırsa, onda bu geri çağırılma hansı səbəblərdən baş verib?

Analitik Ekspertiza Mərkəzinin Farmakonəzarət şöbəsinin müdiri Fərid Həsənov onu da bildirdi ki, indiyə qədər bu dərman vasitəsinin xəstələrdə heç bir fəsadları qeydə alınmayıb.

Bəs hazırda bu dərman vasitəsi satışda varmı? Bununla bağlı paytaxtdakı bəzi apteklərdə kiçik sorğu apardıq.
 
"Fosfalyugel" qastrit, mədə-bağırsaq pozğunluqları, mədənin xora xəstəlikləri zamanı istifadə olunan preparatdır.