Bakı Nəqliyyat Agentliyindən "cərimə" açıqlaması

"Son zamanlar parkinqlə bağlı cərimələrə görə insanların müəyyən narazılıqları olur". Bunu Bakı Nəqliyyat Agentliyinin İdarə Heyətinin sədri Vüsal Kərimli Prezident İlham Əliyevin qəbulunda deyib. "Bütün ölkələrin paytaxt şəhərlərində olduğu kimi, Bakıda da insanlar avtomobillərini istədikləri yerlərdə park edə bilməzlər. Çünki əsas ictimai nəqliyyatdır, biz gün ərzində 2,2 milyon sərnişin daşıyırıq. Sakinlər, əsasən, ictimai nəqliyyatdan istifadə edirlər. Ona görə, biz ictimai nəqliyyatdan istifadə edən sərnişinlərin rahatlığını təmin etməyə çalışırıq”, - o qeyd edib.