Bakıda bu yolda təmir gedir, tıxac var: rəsmi qurumlar nə deyir? - VİDEO - FOTO

Paytaxtın kənar dairəvi yol istiqamətində aparılan yol təmir işləri 10 kilometrlik tıxacın yaranmasına səbəb olub.

Avtosfer.az xəbər verir ki, bu  barədə qaynar xəttimizə çoxsaylı şikayətlər daxil olub. Şikayətçilər iş günlərində təmir işlərinin aparılmasından narazıdır və qarşıdan gələn bayram günlərində problemin aradan qaldırılmasını tələb edirlər.

AAYDA-nın ictimaiyyətlə əlaqələr şöbəsinin rəisi Anar Nəcəfli isə bildirib ki, bəzi problemləri aradan qaldırmaq təxirəsalınmazdır. “Sözügedən ərazidə təxirəsalınmaz təmir tapşırığına uyğun işlər həyata keçirilir. Qısa zaman ərzində işlər tam olaraq yekunlaşdırılacaq. Sürücülərdən, aparılan işlərə anlayışla yanaşmaları, həmin ərazidə hərəkətdə olarkən diqqətli olmaları və müvəqqəti yol nişanlarının tələblərinə əməl etmələri xahiş olunur.”

Nurlan Sakitoğlu