Bakıda obyekt sahibləri lyuks avtomobillərini hər gün səkidə park edir - FOTO

Paytaxtın mərkəzi küçələrindən birində lüks avtomobillərlə səkini özəlləşdiriblər.
Avtosfer.az xəbər verir ki, Bakının Nərimanov rayonundakı küçədə sahibkarlar piyadaların hərəkət etdiyi yolu öz mülkləri kimi istifadə edirlər.
Belə ki, rayonun Nəsib bəy Yusifbəyli küçəsindəki “La Maree”, “Elux” və “Coffeİnn” kimi iaşə müəssisələri obyektlərinin önündəki səkini parklama ərazisinə çevirib.

Bunun nəticəsində ərazidən istifadə edən sakinlər hər dəfə avtomobil yoluna düşərək özlərini təhlükəyə atmağa məcbur olur. Dəfələrlə bu mövzuda xəbərlər dərc etsək də, dəfələrlə belə addımlar atan obyektlər cərimələnsə də sanki digər sahibkarlar bütün bunlardan nəticə çıxarmır və eyni əməlləri təkrarlamağa davam edirlər. Ya obyekt sahiblərinin özlərinin, ya da müştərilərin lyuks avtomobillərini səkidə park eləməsi piyada ərazisində hərəkət etməyi mümkünsüz hala gətirib. Əvəllər səkidə vəziyyət normal olub. Daha sonra həmin obyektlərin sahibləri hansısa üsulla obyektlərinin qarşısını parklama yerinə çevirəcək şəkildə səkini kəsib.

Məsələnin kökündən həlli üçün isə köklü həll yolu yoxdur. Əvvəllər rayon icra hakimlərinin müəyyən məqsədlərlə sahibkarların özbaşınalıqlarına göz yumması bu gün artıq qaçılmaz nəticələrə gətirib çıxarır. Sonda isə yenə də sakinlər əziyyət çəkir.
Sosial şəbəkələrdə sakinlər ərazinin fotosunu yayaraq aktiv müzakirələrə səbəb olub.
Vətəndaşlar problemin aidiyyəti qurumlar tərəfindən köklü həll edilməsini xahiş edir.
Səfər
Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI












