Biləcəri dairəsindəki səkinin bir hissəsi və yol nişanı niyə sıradan çıxıb? - RƏSMİ - VİDEO

Paytaxtın Binəqədi rayonu Rəşid İsmayılov küçəsində quraşdırılmış yol nişanı yararsız hala düşüb.

Mövcud problemlə bağlı izləyici Avtosfer.az-a videomaterial göndərib. O bildirib ki, Biləcəri dairəsi adlanan ərazidəki səki və avtobus zolağı yol nişanı tamamilə sıradan çıxıb. İzləyici, sürücülərin yaranmış vəziyyətdən sui-istifadə edərək zolaqda dayandıqlarını iddia edib. Eyni zamanda o, avtobus gözləyən sərnişinlərin məcbur qalaraq səkidən kənarda dayanmalı olduqlarını əlavə edib.

Məsələylə bağlı AYNA-nın mətbuat katibi Tural Orucov Avtosfer.az-ın sorğusuna cavab olaraq bildirib ki, sözügedən ərazidə yol-nəqliyyat hadisəsi baş verdiyi üçün xoşagəlməz mənzərə yaranıb: “Qəza baş verməsi səbəbindən həmin ərazidəki nişan zədələnib və ən qısa zamanda bərpa ediləcək”.

Nərmin