BNA 320 avtobusun alınmasına dair tender keçirir

Bakı Nəqliyyat Agentliyi (BNA) ictimai nəqliyyat vasitələri – avtobusların satın alınması üzrə açıq tender elan edib. Bu barədə Tender Komissiyasının məlumatında deyilir. Tender 170 ədəd 10 metrlik və 150 ədəd 12 metrlik STQ tipli avtobusların satın alınması üzrə keçirilir. İddiaçılar tender sənədlərini avqustun 25-dək, tender təkliflərini isə sentyabrın 2-dək təqdim etməlidirlər. Tenderdə iştirak haqqı 3 500 manat təşkil edir. Təkliflər zərflərinin açılma proseduru sentyabrın 3-də saat 12:00-da keçiriləcək.