Bu göllərdə çimmək təhlükəlidir - SƏBƏB - FOTO

Ölkəmizdə turizm mövsümünün qaynar vaxtıdır. Göygöl, Maralgöl, Batabat gölü və digər təbiət möcüzələrinin də ətrafı turistlə dolub daşır. Təbii ki, turistlərdən kiminsə bu su hövzələrində çimmək həvəsi yaranır. Lakin çimməzdən əvvəl aşağıdakı məqamlara da diqqət edək. 
 
Avtosfer.az-ın xəbərinə görə, dağ göllərində çimmək böyük risk faktorudur. Suyun temperaturu yayda belə aşağı olduğu üçün dağ gölündə çimmək böyük enerji tələb edir, çox vaxt da hipotermiyaya (aşağı temperaturun təsiri) səbəb olur. Suyun altı və üstü ilə temperatur fərqi kəskin olduğundan axınlar da sürətli olur. Göllərin dibi və hüdudları zəif olduğu üçün də batma riski yüksəkdir. Ən əsası, dağ göllərinin yerləşdiyi ərazilərdə hava şəraiti anidən pisləşə bilir.

Lakin ən əsası başqadır. Dağ göllərinin spesifik fauna və florası mövcuddur. Suda çimmək gölün hüdudlarını korlaya bildiyi kimi ekosistemə də zərər vurur. Həm də ən əsası, sabun, şampun, bədənə sürtülən krem və dərmanlar da göldəki canlılara təhdid yaradır. Bir sözlə, həm təbiəti, həm də öz sağlamlığını qorumaq istəyən şəxs dağ göllərində çimməkdən çəkinməlidir.

Vüqar