Bulvarda kaktusları yandıran şəxs 30 sutka həbs olundu - YENİLƏNİB

Dənizkənarı Bulvar ərazisində kaktusların kəsilməsi, yandırılması ilə bağlı saxlanılan şəxs həbs edilib.

Bu barədə Avtosfer.az-a Daxili İşlər Nazirliyinin mətbuat xidmətindən bildirilib.

Xəbərə görə, məhkəmə qərarı ilə 2003-cü il təvəllüdlü Varis Cəfərli barəsində 30 gün müddətinə inzibati həbs tənbeh tədbiri tətbiq edilib.

***

Dənizkənarı Bulvar ərazisində kaktusları kəsərək yandıran şəxs saxlanılıb.

Bu barədə Avtosfer.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, həmin ərazidə kaktusların kəsilməsi, yandırılması ilə bağlı yayılan görüntülər araşdırılıb.

Əməli törədən şəxs – Varis Etibar oğlu Cəfərli polis əməkdaşları tərəfindən müəyyən olunaraq saxlanılıb.

Araşdırma aparılır.

"Araşdırmanın nəticəsindən asılı olaraq əmələ hüquqi qiymət veriləcəkdir", - məlumatda qeyd edilib.