Bulvarda uşaqları pullu oyunlara cəlb edənlər kimlərdir? - VİDEO

Son günlərdə Bakı Dənizkənarı Bulvarında bir neçə şəxs qruplar şəklində toplaşaraq oyunlar təşkil edir. Oyun isə ondan ibarətdir ki, topu ataraq şüşəni kim bir atışa yıxmağı bacarsa, qalib olur.
İlk baxışdan normal, bir çox ölkələrdə rast gəlinən hal olsa da, problemli məqam başqadır. Belə ki, “oyunquran”ların əsas müştəriləri azyaşlılardır.
Maraqlı məqam isə budur ki, bulvar ərazisində, açıq şəkildə öz “biznes”lərini qurmuş bu şəxslər maneə ilə üzləşmədən işlərinə davam edirlər.
Bu cür halların baş verməsi qanunvericiliyə zidd olmaqla yanaşı, uşaqların psixologiyasına da ciddi zərbə vurur.
Psixoloq Elmir Əkbərin sözlərinə görə, uşaqları hər hansı pul qarşılığında oyuna cəlb etmək onların istismarıdır:
“Bu hal uşaq hüquqlarının kobud şəkildə pozulmasıdır. Mövcud hallarla bağlı ciddi tədbirlər görülməlidir. Uşaqlar da bilməlidirlər ki, onların müəyyən sərhədləri var. O sərhədlərə isə kənar adamlar daxil ola bilməz. Heç kimin onlara pullarını alaraq, nələrisə elətdirmək ixtiyarı yoxdur”.
Məsələ ilə əlaqədar Dənizkənarı Bulvar İdarəsinin mətbuat katibi Əfsanə Mehdiyeva Bizim.Media-ya açıqlamasında məsələ ilə bağlı araşdırma aparıldıqdan sonra açıqlama veriləcəyini qeyd edib.
Daxili İşlər Nazirliyinin (DİN) Mətbuat Xidmətinin əməkdaşı, polis mayoru Anar Qafarov isə bildirib ki, artıq polis əməkdaşları tərəfindən görülən tədbirlər nəticəsində qeyd edilən neqativ hal aradan qaldırılıb, oyunu təşkil edən şəxs barəsində qanunamüvafiq tədbir görülüb.
İlham Əliyev Livan Prezidenti Jozef Aunu təbrik edib
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR












