Cəlilabbada başdansovdu təmir edilən yolla bağlı RƏSMİ AÇIQLAMA - VİDEO

Cəlilabad rayonunda bərbad vəziyyətdə olan yolda aparılan təmir işləri marağa səbəb olub.

Avtosfer.az xəbər verir ki, rayonun Məhəmməd Hadi küçəsində qeydə alınan video sosial şəbəkələrdə yayılıb.

Görüntülərdə yolun demək olar ki, tamamilə dağılması, çoxlu çuxurların işçilər tərəfindən doldurulması əks olunub. İzləyicilər bu halı tənqid edərək yolun asfaltlanmasının daha məntiqli olacağını qeyd ediblər.

Məsələ ilə bağlı Avtosfer.az-a Cəlilabad Rayonu İcra Hakimiyyətindən münasibət bildirilib.

RİH-dən verilən məlumata görə, yolda aparılan təmir işləri orada yerləşən obyekt və ev sahiblərinin təşəbbüsü ilə görülür. Həmçinin küçənin yolları ilə bağlı işlərin də sənədləşmə mərhələsində olduğu bildirilib.

Məhəbbət Tərlanoğlu