DİN və AYNA-dan COP29-la bağlı sürücülərə VACİB ÇAĞIRIŞ

2024-cü ilin oktyabrın 19-u gün ərzində və 19-dan 20-nə keçən gecə COP29 tədbirinə hazırlıq məqsədilə paytaxtın bir sıra küçə və prospektlərində nəqliyyatın idarə edilməsi üzrə monitorinqlər keçiriləcək.

Avtosfer.az xəbər verir ki, bu barədə Daxili İşlər Nazirliyi və Azərbaycan Yerüstü Nəqliyyat Agentliyi birgə məlumat yayıb.

Qeyd edilib ki, bu məqsədlə bir sıra küçələrdə avtomobillərin hərəkət istiqaməti dəyişdiriləcək.

“Hərəkət iştirakçılarından xahiş edirik ki, monitorinq müddətində yollarda tətbiq olunacaq məhdudiyyətləri nəzərə alsınlar. Hərəkətin təşkili Dövlət Yol Polisi əməkdaşları tərəfindən tənzimlənəcək. Daha ətraflı məlumat yaxın zamanda veriləcək”, – deyə birgə məlumatda vurğulanıb.