DİN vətəndaşlara müraciət etdi: "Hələ də təhlükə var..." - FOTO
Gündəm 3 Dekabr 2021 18:04 Oxunub 4344
DİN vətəndaşlara müraciət etdi:  "Hələ də təhlükə var..."  - FOTO

"Vətənə qayıdış yaxınlaşır. İnsanlar tələsir. Anlaşılandır. Ancaq bir qədər səbr və təmkin nümayiş etdirməliyik."

Avtosfer.az xəbər verir ki, bunu DİN rəsmisi, polis mayoru Elşad Hacıyev deyiv. O, bildirib ki, vətəndaşlarımızı təhlükədən qorumaq məqsədilə işğaldan azad edilən ərazilərə gedən yollarda müvəqqəti postlar var. "Bu postlar, ona görə saxlanılır ki, işğaldan azad edilən ərazilərə icazəsiz səfərlərin qarşısı alınsın. Çünki hələ də təhlükə var. Sirr deyil ki, müharibədən sonra baş verən faicələrin 53 faizi həmin ərazilərə qanunsuz səfərlər nəticəsində baş verib."

Polis mayoru bildirib ki, sürətlə minatəmizləmə əməliyyatları aparılır, təmizlənən ərazilərə vətəndaşların təhülkəsiz qayıdışı üçün bərpa və quruculuq işləri həyata keçirilir.  "Artıq məlumdur ki, 2022-ci ildə Zəngilan rayonunun “Ağalı” kəndinə ilk sakinlər köçürüləcək. Həmin sakinlərin düzgün xəbərdar edilməsi və maarifləndirilməsi, təhlükəli ərazilərdə davranış qaydaları ilə bağlı məlumatlandırılması zəruridir. 

Bu istiqamətdə işlər davam etdirilir. Hər birimiz daha çox çalışmalı, daha çox işləməli, daha çox məlumatları bölüşməli və paylaşmalıyıq. 

Qarabağ Azərbaycandır!"

FOTO QALEREYA
ŞƏRH YAZ
Ad

E-mail

Şərh