DİN yanında İctimai Şuranın növbədənkənar iclas keçirilib - FOTO

DİN yanında İctimai Şuranın növbədənkənar  iclas keçirilib. Avtosfer.az xəbər verir ki, iclasda 3 nəfər onlayn olmaqla, bütün üzvlər iştirak ediblər.

İclasın gündəliyinə “DİN yanında İctimai Şuranın Etik Davranış Kodeksi”nin tələblərinə əməl edilməsi ilə bağlı vəziyyət və İctimai Şura ilə DİN qurumları arasında əməkdaşlığın gücləndirilməsi mexanizmlərinin yaradılması məsələləri daxil edilib.

İclası İctimai Şuranın sədri Əliməmməd Nuriyev açaraq, gündəlikdəki məsələlər haqqında Şura üzvlərini məlumatlandırıb. Sonra ayrı-ayrı məsələlərlə bağlı Şura üzvləri çıxış ediblər. Şura üzvləri hər biri ayrı-ayrılıqda gündəlikdə duran məsələlərin aktuallığını qeyd edib. İctimai Şura üzvləri bildiriblər ki, “DİN yanında İctimai Şuranın Etik Davranış Kodeksi”nə əməl etmək hər bir İŞ üzvlərinin borcudur. Bu tələblərə əməl edilməməsi İŞ-in nüfuzuna xələl gətirir və ona ictimai etimadı aşağı salır.

Daha sonra DİN yanında İctimai Şuranın səs çoxluğu ilə qəbul edilən qərarına əsasən "Əsgər Ailələrinə Dəstək" İB-nin sədri Mətanət Cəfərovanın İctimai Şuradakı fəaliyyətinə DİN yanında İctimai Şuranın Etik Davranış Kodeksi”nin tələblərinə əməl etməməsinə görə xitam verilib.