Dövlət Turizm Agentliyi Avtosfer.az-ın qaldırdığı problemə münasibət bildirib

Dövlət Turizm Agentliyi ötən gün Avtosfer.az saytında 3 nömrəli Şəki İpək Fabrikinin binası ilə bağlı dərc olunmuş xəbərə münasibət bildirib.

Agentlikdən avtosfer.az-ın redaksiyasına daxil olan məktubda bildirilir ki, “3 nömrəli Şəki İpək Fabrikinin binası Agentliyin balansına aid deyil. Bina “Yuxarı Baş” Milli Tarix-Memarlıq Qoruğunun ərazisində yerləşsə də, özəlləşdirilib və hazırda xüsusi  mülkiyyətdədir”. 

Dövlət Turizm Agentliyindən onu da qeyd ediblər  ki, qanunvericiliyə görə heç bir qurum xüsusi mülkiyyətdə olan əmlaka sərəncam verə bilməz: “Azərbaycan Respublikasının Konstitusiyasının 29.2-ci maddəsinə və “Mülkiyyət haqqında” qanunun 2.2-ci  və 20-ci maddələrinə əsasən, Dövlət Turizm Agentliyinin xüsusi mülkiyyətdə olan daşınmaz əmlaklar üzərində hansısa sərəncamverici (o cümlədən təmir-bərpa işlərinin aparılması, binanın istifadəyə verilməsi və s.) hüququ yoxdur.  Bu qanunvericilik aktlarına görə, xüsusi mülkiyyətdə olan əmlaka sahiblik, ondan istifadə və onun barəsində sərəncam hüququ  mülkiyyətçiyə məxsusdur”.

Sözügedən xəbərlə aşağıdakı linkdə tanış olmaq mümkündür:

https://avtosfer.az/az/oxucu-mektublari/turizm-agentliyinin-qorudugu-binada-keciler-oynayir-foto-215206

Vüqar