Təxribat törədən 3 erməni hərbçi məhv edilib, xüsusi təyinatlı korpusun komandiri ağır yaralanıb

Ermənistan silahlı qüvvələrinin şərti dövlət sərhədində təxribat törədən zaman Azərbaycan Ordusunun həyata keçirdiyi cavab tədbirləri nəticəsində 3 erməni hərbçisi məhv edilib, çoxlu sayda yaralanan var.

“Hraparak”a xəbər verir ki, Ermənistan Müdafiə Nazirliyi də faktı təsdiqləyib.

Gorus rayonunun Dığ kəndi istiqamətində baş verən atışma nəticəsində yaralananlardan biri Ermənistan silahlı qüvvələrinin xüsusi təyinatlı korpusunun komandiri Armen Gözəlyandır.

Onun vəziyyəti ağırdır.  A.Gözləyan Gorusda yerləşən tibb mərkəzində cərrahiyyə əməliyyatı olunub. (report)

***

Xəbər verdiyimiz kimi, aprelin 11-i Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonu istiqamətində yerləşən üzbəüz mövqelərini atıcı silahlardan intensiv atəşə tutub.

Qarşı tərəfin törətdiyi təxribat nəticəsində Azərbaycan Ordusunun hərbi qulluqçuları şəhid olub və yaralanıb.

“Qafqazinfo”nun “Sputnik Ermənistan”a istinadən məlumatına görə, Ermənistan Müdafiə Nazirliyi bəyan edib ki, erməni tərəfdə də ölən və yaralananlar var.