FAW Group və ya, kimin əvvəli, kimin axırı - FOTO

Bu günlərdə Çin hökumətinin xarici jurnalistlər üçün təşkil etdiyi media turda   “FAW Group” avtomobil şirkəti də yer alırdı. Turda Azərbaycandan 2 media qurumu – AzTV və Azərtac da iştirak edib. Bəs “FAW Group”un Çində yeri nədir? Bir qədər keçmişə qayıdaq. 

Avtosfer.az-ın xəbərinə görə, qrupun adı ingiliscədən tərcümədə (First Automotive Works) 1 saylı avtomobil zavodu mənasını verir. 1953-cü ildə işə başlayan zavod Çində avtomobil sənayesinin başlanğıcı hesab edilir. Zavodun ilk modeli olan “Jiefang” SSRİ-nin ZİS-150 yük avtomobilin eynisi idi. təəccüblü də deyildi. Axı zavod Stalin-Mao dostluğunun nəticəsi idi. 

1986-cı ilədək müxtəlif modifikasiyalarda istehsal olunan “Jiefang” ordu və təsərrüfatda geniş tətbiq edildi. 

1958-ci ildən hökumət adamları üçün “Hongqi” avtomobilinin müxtəlif versiyaları istehsal edildi. Bu model də Sovetin “Çayka”sının bənzəri idi. 

Bura qədəri məlum. Bəs indi?

Hazırda “FAW Group” sovet modellərindən imtina edərək müasir maçınlar istehsal edir və dünyanın ən böyük 100 şirkəti arasındadır.  Rusiyaya gəldikdə isə, ölkənin ilk yük avtomobili zavodu olan ZİL-in ərazisində hazırda hündürmərtəbəli binalar və ticarət obyektləri yerləşir. Bir vaxtlar Çində zavodlar quran ölkə hazırda avtomobil istehsalında Çindən aslılı haldadlr. Bir sözlə, kimin əvvəli, kimin axırı.

Vüqar