Gəncədə qeyri-qanuni tikintilərə qarşı monitorinq aparılır - FOTO

Gəncədə yerləşən 1500 ailəlik məcburi köçkünlər üçün salınmış qəsəbənin ətraf ərazisində və Ə.N.Gəncəvi küçəsində dövlət mülkiyyətinə məxsus torpaq sahələrində qeyri-qanuni şəkildə aparılan yaşayış tikililəri aşkarlanıb. Avtosfer.az xəbər verir ki, bununla bağlı qanunvericiliyə uyğun tədbirlər görülüb.

Qeyd edilib ki, monitorinqlər Gəncə Şəhər İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələlər Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə aparılır. Aparılan monitorinqlər bundan sonra da mütəmadi olaraq davam etdiriləcək.