"Gürcüstan və Rusiya ilə yeni sərhəd keçid məntəqələri və yollar açılmalıdır" - EKSPERT

Deputat Siyavuş Novruzov Milli Məclisin plenar iclasında “Azərbaycan Respublikası Hökuməti ilə Rusiya Federasiyası Hökuməti arasında Azərbaycan–Rusiya dövlət sərhədindən “Samur” (Azərbaycan Respublikası) -“Yaraq–Qazmalar” (Rusiya Federasiyası) buraxılış məntəqələri ərazisində Samur çayı üzərindən avtomobil körpüsünün və giriş yollarının istismarı və onlara xidmət göstərilməsi qaydaları haqqında Saziş”in müzakirəsi zamanı bildirib ki, belə sazişlər təkcə Rusiya ilə deyil, gələcəkdə Gürcüstanla da bağlanmalıdır. Onun sözlərinə görə, Azərbaycanın Gürcüstanla sərhədində Rusiya ilə buraxılış məntəqəsinin ərazisində olduğu kimi avtomobil körpüləri yaradılmalıdır.
Avtosfer.az-a açıqlama verən nəqliyyat sahəsi üzrə ekspert Rauf Ağamirzəyev deputatın sözlərinə münasibət bildirib.
Ekspert Azərbaycanın nəqliyyat habına çevrildiyini, həm şimal-cənub, həm də şərq-qərb dəhlizləri üzrə önəmli yerə sahib olduğunu qeyd edib: “Azərbaycanın önəmi artdığı kimi risklər də artır. Yəni, burada risk o mənadadır ki, əgər yük axını artırsa, şaxələndirmə məsələsi də gündəmə gəlir. Bu da bir yol yox, bir neçə yol olmasını şərtləndirir. Hal-hazırda bu yöndə müəyyən layihələr həyata keçirilir. Bu çərçivədə Azərbaycan-Gürcüstan istiqamətində əlavə sərhəd keçid məntəqələrinin və yeni yolların açılması dövrün tələbidir. Məsələn, Yevlax-Balakən dəmir yolu varsa və Balakən ilə üzbəüz Gürcüstan tərəfdə də dəmiryolu varsa, bunun əlaqələndirilməsi təbii ki, lazımdır.”
Ekspert bildirib ki, mövcud infrastruktur daxilində harada imkan və fürsət varsa, bunlar dəyərləndirilməlidir. “Əlavə kommunikasiyaların, sərhəd keçid məntəqələrinin açılması dövrün tələbidir. Çünki hər yeni yol, yerli əhali üçün yeni çıxış imkanı, qazanc mənbəyidir. Həmçinin də bölgədə baş verən logistik əlaqələr baxımından belə yollar yeni bir fürsətlərdir. Bu növ həllər Azərbaycanın üzərindən artan yük tələbini ödəmək üçün xidmət edəcək”.
Məhəbbət Tərlanoğlu
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO












