Gürcüstanda son sutka ərzində koronavirusa yeni yoluxma faktı qeydə alınmayıb

Gürcüstanda fevralın 26-dan etibarən ilk dəfə olaraq son 24 saat ərzində koronavirusa yeni yoluxma halı təsdiqlənməyib.
Bunu Tbilisi Yoluxucu Xəstəliklər Xəstəxanasının tibbi direktoru Marina Ezuqbaya jurnalistlərə açıqlamasında bildirib.
Onun sözlərinə görə, COVID-19-dan sağalanların sayı 20 nəfər artaraq 724-ə çatıb.
Qeyd edək ki, indiyədək qonşu ölkədə koronavirus 879 nəfərdə aşkarlanıb. Onların 14-ü dünyasını dəyişib.
Gürcüstanda COVID-19-a ilk yoluxma faktı fevralın 26-da qeydə alınıb. (“Report”)