“Haqqımda yalan məlumat yayıblar…” –Neftçalanın icra başçısı açıqlama yaydı

Neftçala Rayon İcra Hakimiyyətinin başçısı Mirhəsən Seyidov sosial şəbəkədə döyülməsi barədə yazılan məlumatlara reaksiya verib.

Azpost.info bildirir ki, icra başçısı bu xəbəri təkzib edib: “Tədbir zalından indi çıxmışam, baxıram sosial şəbəkələrdə haqqımda həqiqəti əks etdirməyən məlumatlar yayılıb. Sosial şəbəkələr vasitəsi ilə insanlarımızda çaşqınlıq yaratmaq mümkün deyil və olmayacaq.

Vətəndaşımıza şərəfli və ləyaqətlə xidmət etmək bizim qarşımızda duran ən başlıca vəzifədir”-deyə icra başçısı bildirib.