Hər ailəyə 12 sot torpaq verilir... QAYIDIŞ PROQRAMI

Füzuliyə Qayıdış 2040-cı ilədək davam edəcək.

Hər ailəyə 12 sot həyət veriləcək, 3-8 mərtəbəli binalar tikiləcək.

Füzuli şəhərinin yeni baş planının hazırlanmasına ərazilər işğaldan azad olunan kimi başlanıb. Füzuli şəhərinin  əhalisi təqribən   23 500 nəfər olub. Amma bu rəqəmin 2 dəfə artaraq  50 min nəfərə çatacağı gözlənilir. Şəhərin baş planı da bu artımı nəzər almaqla hazırlanıb.

Planda Şəhərin əhalisi, burada nəzərdə tutulan şərait və imkanlar, coğrafi-iqlim və təbii şərait amilləri, və nəhayət, iki il əvvəl bölgədə istifadəyə verilən beynəlxalq hava limanının - Füzuli aeroportunun mövcudluğu nəzərə alınıb. Vacib amillərdən biri də Füzuli şəhərinin həm də bir sənaye şəhəri kimi formalaşmasıdır.

Bununla yanaşı, Füzulidən Şuşa şəhərinədək dəmiryolu xəttinin inşası nəzərdə tutulur. Bu proses üçün dörd mərhələ nəzərdə tutulur. Birinci mərhələ 2026-cı ilə qədər, ikinci mərhələ 2026-2030-cu illər, üçüncü mərhələ 2030-2035-ci illər, və nəhayət dördüncü mərhələ 2035-2040-cı illər.