İnsanlar niyə "1 manatlıq" taksilərdən istifadə edir? - SƏBƏBİ AÇIQLANDI

Sosial Tədqiqatlar Mərkəzi Bakı şəhəri əhalisi arasında nəqliyyatdan istifadə ilə  bağlı telefon sorğusu keçirib. Azərbaycanda əhalinin böyük əksəriyyəti taksi xidmətlərindən istifadə edir. Avtosfer.az Sosial Tədqiqatlar Mərkəzi Bakı şəhəri əhalisi arasında nəqliyyatdan istifadə ilə  bağlı telefon sorğusua əsasən bildirir ki, aylıq gəlir səviyyəsi 251-500 və 501-750 manat aralığında olanların demək olar ki, eyni hissəsi (25%) ayda bir neçə dəfə bu nəqliyyat vasitəsindən istifadə edir.

Qeyd edək ki, sorğuda 1254 respondent iştirak edib. Sorğuda əminlik intervalı 95.0%, statistik xəta əmsalı 2.8% təşkil edib.

Bütün respondentlərin 24%-i müxtəlif tezliklərlə 1 manatlıq taksilərdən istifadə edir. Avtobusdan istifadə edənlərin 32%-i, şəxsi avtomobil istifadə edənlərin 15.4%-i 1 manatlıq taksilərdən müxtəlif tezliklərlə istifadə edir. Ümumilikdə respondentlərin 1 manatlıq taksilərdən istifadəsinə əsas səbəb kimi qiymətin münasib olması (33.0%) və səfər müddətinin daha qısa olması (22.7%) göstərilib. Maraqlıdır ki, avtobusdan istifadə edənlər arasında bu fikirlər daha geniş yayılıb - qiymətin münasib olması (49.6%) və səfər müddətinin daha qısa olması (34.9%).

Leyla