İnsanları Şəki Rəsm qalareyasından qaçıran səbəb - FOTO

Bineyi-qədimdən dünyada bir dəyişməyən prinsip var: qabaqcadan ödəniş nəzərdə tutulan yerləşrdə kassa girişdə yerləşir. Amma bunun tərsini də gördük. 

Şəkiin tarixi hissəsində - qala divarları daxilində bir neçə baş çəkilməli obyekt olsa da kassa vahiddir. Doğrudur, burda ciddi problem yoxdur, amma...

Vahid kassa girişdə deyil, sonda, Xan Sarayının yanında yerləşdirilib. Digər obyektlərə baxmaq üçün ziyarətçi təxminən 300 metr üzüyuxarı qalxmalı, növbədə durub bilet alaraq qayıtmalıdır. Bu səbəbdən heç kim aşağıdakı obyektlərə maraq göstərmir. 

Əslində ərazidəki 2 muzey təmirə bağlı olduğundan problem ciddi gözəl çarpmır. Lakin bu sistem ilk növbədə hazırda açıq olan Şəki Rəsm qalareyasını “vurub”. Bura demək olar heç kim gəlmir. 

Əslində problemi asanlıqla həll etmək mümkündür. Bunun üçün ya kassa girişə gətirilməli, ya da pullu girişin olduğu hər obyektə kartla ödəniş sistemi tətbiq edilməlidir. Bunu Şəkidə filialı olan istənilən bankın yüksək keyfiyyətlə təşkil edəcəyinə inanıram. Bir sözlə, texnologiya çətinləşdirməyə deyil, asanlaşdırmağa xidmət etməlidir.

Vüqar