İranda COVID-19-a yoluxanların sayı 262 173 nəfərə çatıb

İranda son sutka ərzində yeni növ koronavirusdan (COVID-19) 179 nəfər vəfat edib. Bu barədə İran Səhiyyə Nazirliyi məlumat yayıb. Bildirilib ki, İranda koronavirusdan ölənlərin sayı 13 211 nəfərə çatıb. İranda son sutka ərzində koronavirusa 2 521 yoluxma halı qeydə alınıb və indiyə kimi COVID-19-a yoluxanların ümumi sayı 262 173 nəfərə çatıb.

Qeyd edək ki, koronavirusa görə İranın 25 əyalətində “qırmızı” təhlükə səviyyəsi elan olunub. (APA)