Jurnalist binalarında bütün kommunal xidmətlər dayandırılır

Bakının Bayıl qəsəbəsində jurnalistlər üçün inşa olunmuş binaların idarəetməsi ilə məşğul olan “Jurnalist Evi” MMC iyunun 1-dən etibarən fəaliyyətini dayandırmağı planlaşdırır. Bununla bağlı artıq bina sakinlərinə məlumat verilib. Buna səbəb isə bina sakinlərinin əksəriyyətinin “Jurnalist Evi” MMC ilə xidmət müqaviləsi bağlamaqdan imtina etməsidir.
Məlumata görə, problemin səbəbi bina sakinlərinin böyük əksəriyyətinin kommunal xidmət haqqını ödəməməsi nəticəsində yaranmış külli miqdarda borcdur. Belə ki, “Jurnalist Evi” MMC lift və su xidmətinə, tullantıların daşınması xidmətinə xeyli borclanıb. Eyni zamanda, işçilərin əmək haqqının ödənilməsində də problem yaranıb.
Bir neçə ay əvvəl yığıma və digər təşkilati məsələlərə nəzarət üçün sakinlərin özlərinin xahişi ilə sakinlərdən ibarət Müşahidə Şurası yaradılsa da, problemlər həllini tapmayıb.
MEDİA Agentliyindən bildirilib Lent.az-a bildirilib ki, Agentliyin Nizamnaməsində jurnalist binalarının sakinlərinə xidmət göstərmək kimi bir vəzifə nəzərdə tutulmayıb:
“Bu günə qədər bu xidmətin göstərilməyə davam etməsinin səbəbi indiyəqədərki təcrübəni tətbiq etmək, sakinləri çıxılmaz vəziyyətdə qoymamaq olub. Lakin hazırda belə bir fəaliyyətin davam etməsi üçün hüquqi əsas yoxdur. Çünki sakinlər “Jurnalist Evi” MMC ilə xidmət müqaviləsi bağlamaqdan imtina edir, bu səbəbdən hazırda MMC və sakinlər arasında münasibətlərin hüquqi əsası yoxdur, yəni “Jurnalist Evi” MMC-nin sakinlər qarşısında hər hansı vəzifə və öhdəliyi mövcud deyil. Ümumi mənada isə müqavilə olmadan MMC-nin xidmət göstərməyə davam etməsi mümkünsüzdür”.
Agentlikdən o da deyilib ki, sakinlərə “Jurnalist Evi” MMC-nin ləğv edilməsi, özlərinin təşəbbüsü ilə Mənzil Mülkiyyətçilərinin Müştərək Cəmiyyətinin (MMMC-nin) yaradılması təklif edilib, prosedur izah olunub, lakin onlar bu təklif barədə də razılığa gələ bilməyiblər.
Qeyd edək ki, hazırda jurnalist binalarının sakinləri üçün kommunal xidmət haqqı hər kvadrat metr üçün 35 qəpik təşkil edir.
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO












