Karapetyan Ermənistanda hakimiyyətə gəlsə nələr dəyişəcək? – Politoloq AÇIQLADI

Ermənistanda daxili siyasi proseslər fonunda səsləndirilən bəyanatlar regionda mümkün riskləri yenidən gündəmə gətirib.
Avtosfer.az xəbər verir ki, politoloq Elxan Şahinoğlu bu barədə açıqlama verərək müxalifətin ritorikasını tənqid edib.

Məlumata görə, “Güclü Ermənistan” partiyasının lideri, ev həbsində olan iş adamı Samvel Karapetyan İrəvanın Azadlıq meydanında keçirilən mitinq iştirakçılarına video müraciət ünvanlayıb. O, hakimiyyətə gələcəyi təqdirdə 300 min yeni iş yeri yaradacağını, Rusiya ilə strateji ittifaqı bərpa edəcəyini, diaspora ilə əlaqələri gücləndirəcəyini və kilsənin rolunu artıracağını vəd edib.
Karapetyan, həmçinin Ermənistanın baş naziri Nikol Paşinyanın “müxalifət hakimiyyətə gələrsə, Azərbaycanla müharibə başlaya bilər” fikrinə cavab olaraq belə bir niyyətinin olmadığını bildirib.
Bununla belə, politoloq qeyd edir ki, Karapetyanın çıxışında Azərbaycan ilə sülh quruculuğu, Konstitusiya dəyişiklikləri və regionda əməkdaşlıq perspektivləri ilə bağlı konkret mövqe yer almayıb. Əksinə, o, “Artsaxda etnik təmizləmə həyata keçirilib” kimi iddialar səsləndirib.
Elxan Şahinoğlunun fikrincə, bu cür yanaşma regionda sülh prosesinə töhfə vermir və əksinə, gərginliyi artıran amillərdən biri kimi çıxış edir. O hesab edir ki, Ermənistan daxilində seçki prosesi bu ölkənin daxili işi olsa da, rəsmi Bakının müxalifət nümayəndələrinin təxribat xarakterli bəyanatlarına münasibət bildirməsi vacibdir.
Politoloq vurğulayıb ki, Azərbaycan Xarici İşlər Nazirliyi tərəfindən belə hallara reaksiya verilməsi və mümkün risklərin açıq şəkildə ifadə olunması regionda sabitliyin qorunması baxımından əhəmiyyətli ola bilər. Onun sözlərinə görə, seçkilərdən sonra formalaşacaq hökumət sülh razılaşmalarından imtina edərsə, bu, həm iki ölkə arasında münasibətlərə mənfi təsir göstərə, həm də yeni müharibə riskini artıra bilər.
Eltac Zülfüqaroğlu
İlham Əliyev Livan Prezidenti Jozef Aunu təbrik edib
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR











