Kür çayında bir nəfər batıb - YENİLƏNİB

Kür çayının Sabirabad rayonu Qruzma kəndi ərazisindən keçən hissəsində başatan şəxsin kimliyi məlum olub.

Avtosfer.az xəbər verir ki, batan şəxs Sabirabad sakini, 1989-cu il təvəllüdlü Abdullayev İlham Əhəd oğludur.  

Hazırda Sabirabad rayonunun Qruzma kəndi ərazisində FHN-in əlaqədar qurumları tərəfindən batan şəxsin meyitinin axtarışları davam edir. 

Qeyd edək ki, mərhumun iki qız övladı var.

***

Fövqəladə Hallar Nazirliyinin "112" qaynar telefon xəttinə, Kür çayının Sabirabad rayonu, Quruzma kəndi ərazisindən keçən hissəsində 1 nəfərin batması barədə məlumat daxil olub. 

Bu barədə Avtosfer.az-a FHN-dən məlumat verilib.

Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub. Əlavə məlumat veriləcək.