Maşınların yolunu kəsib qiymət soruşan "alverçi" saxlanılıb

Paytaxtın Mikayıl Müşfiq küçəsində, "Maşın bazarı" kimi tanınan ərazidə yolun hərəkət hissəsində dayanaraq bazara gələn avtomobillərin önünü kəsib onlardan qiymət soruşan və bununla da tıxaca səbəb olan şəxs saxlanılıb.
Avtosfer.az xəbər verir ki, Allahverdiyev Əhliyyət Fərman oğlu dəfələrlə yolun hərəkət hissəsinə çıxaraq təhlükəli vəziyyət yaradıb. Ərazidə xidmət aparan DYP əməkdaşları ona xəbərdarlıq etsə də o, buna məhəl qoymayıb. 
Polisin qanuni tələbinə tabe olmayan şəxs saxlanılıb və barələrində müvafiq tədbirlər görülməsi üçün bölməyə təhvil verilib. Onun barəsində toplanmış materiallar aidiyyəti üzrə məhkəməyə təqdim olunub. Məhkəmənin qərarına əsasən Allahverdiyev Əhliyyət Fərman oğlu cərimə edilib.

Fərid