"Metro stansiyalarının çıxışlarında leşdən hazırlanan kolbasalar satılır"

"Metro stansiyalarının çıxışlarında kiloqramı 4-5 manata satılan kolbasalar, nəinki keyfiyyətli ətdən, heç keyfiyyətsiz ətdən də hazırlanmır. Çünki bu kolbasaların qiyməti ən aşağı qiymətə satılan at-eşşək ətindən belə ucuzdur. Sözügedən kolbasaların tərkibi haqqında heç bir dəqiq məlumat yoxdur".
Bunu Azad İstehlakçılar Birliyinin (AİB) sədri Eyyub Hüseynov Bakupost.az-a deyib.
Onun sözlərinə görə, metro stansiyalarının çıxışlarında, xüsusilə də "8-ci kilometr" bazarında bu kolbasalardan çox görə bilərik. Bu tip kolbasaların tərkibi su, duz və mənşəyi məlum olmayan, ola bilsin ki, ölmüş heyvan ətindən ibarətdir:
"Mən insanlara bu cür mənşəyi bilinməyən qidalardan uzaq durmağı tövsiyə edirəm. Ümumiyyətlə, etiketsiz məhsul almamaq lazımdır. Sözügedən kolbasaların etiketləri, tərkibləri haqqında bir məlumat yoxdur. Bu cür kolbasalar insan sağlamlığına ciddi ziyan vurur. Leş ətinə müəyyən dadlandırıcı vasitələr vurub fərqli inqrediyentlər qataraq dada gətirir və ondan kolbasa hazırlayıb satırlar. Ona görə də onun qiyməti belə ucuzdur".
E.Hüseynov vurğulayıb ki, kolbasa məhsullarının 70 faizi xarici ölkələrdən, xüsusilə də Rusiyadan idxal olunur, 30 faizi isə öz məhsullarımızdır:
"Mən təklif edirəm ki, insanlar halal, tərkibi bəlli olan kolbasalara üstünlük versinlər. Çünki xaricdən gətirilən kolbasalara kimyəvi maddələr vurulur ki, onlar xarab olmasın. Bu da insan orqanizmində ciddi problemlərə səbəb olur. Azərbaycanda təmiz mal ətindən kolbasalar hazırlayan istehsalçılar var. İnsanlara bu istehlakçıları araşdırıb, sonra məhsullarını almağı tövsiyə edirəm".
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO












