Naməlum şəxslər avtomobildən yerli sakinlərə atəş açdılar; 6 nəfər yaralandı 

ABŞ-ın Bruklin şəhərində naməlum şəxslərin avtomobildən sakinlərə açdıqları atəş nəticəsində 6 nəfər yaralanıb. Avtosfer.az xəbər verir ki, hadisə iyulun 13-də axşam saatlarında “Rokuey Parkuey” küçəsində baş verib. Bu barədə “NBC New York” telekanalı şəhər polisinə istinadən məlumat yayıb.

Polisin məlumatına görə, açılan atəş zamanı əvvəlcə 23 yaşlı qadının sinəsinə 4 güllə tuş gəlib, 12 dəqiqədən sonra 19 yaşlı 3 nəfər yeniyetmə yaralanıb, 2 dəqiqədən sonra isə daha bir 19 yaşlı şəhər sakini çiynindən güllə yarası alıb. Onunla birgə skuterdə hərəkətdə olan qız sərnişin isə aşan zaman xəsarət alıb. Bütün yaralılar xəstəxanaya çatdırılıblar.

Hazırda polis cinayətkarların axtarışına başlayıb.

Namiq Musayev