Orta Dəhliz üzrə konteyner yüklərinin daşınması üçün xüsusi tariflər təklif edilir

Aktau Dəniz Ticarət Limanı Çin-Qazaxıstan-Azərbaycan-Gürcüstan-Türkiyə-Avropa istiqamətində konteynerlərdə yüklərin daşınması üçün 2024-cü il üçün xüsusi tariflərin müəyyən edilməsini təklif edir.
“Report” bu barədə Qazaxıstan Nəqliyyat Nazirliyinə istinadən xəbər verir.
Bildirilib ki, Qazaxıstandan keçən dəhlizlərinin inkişafı məqsədilə “Kazaxstan Temir Jolı” milli şirkəti hər il bazar şəraiti, o cümlədən Transxəzər Beynəlxalq Nəqliyyat Marşrutu (TBNM) üzrə tranzit daşımalarda rəqabətqabiliyyətli tarif şərtlərini nəzərdən keçirir və qəbul edir.
Nəqliyyat Nazirliyindən verilən məlumata görə, Aktau limanının təklif etdiyi tariflərlə 20 futluq konteynerlərin 1 konteyner üçün 60 ABŞ dolları (ƏDV nəzərə alınmadan), 40 futluq konteynerlərin 1 konteyner üçün 80 ABŞ dolları (ƏDV nəzərə alınmadan) məbləğində daşınması nəzərdə tutulur.
Bununla yanaşı, Kurık dəniz limanı zəmanətli yük həcmi olduğu halda yükgöndərənlər/yükdaşıyanlar üçün güzəştli şərtlərin təmin edilməsi imkanlarını nəzərdən keçirməyə hazırdır.
“Üstəlik, Aktau və Kurık dəniz limanları vasitəsilə beynəlxalq daşımaların logistikasını inkişaf etdirmək məqsədilə 2024-cü ildə türkiyəli və çinli tərəfdaşları cəlb etmək yolu ilə TBNM marşrutu üzrə vahid nəqliyyat-logistika şirkətinin yaradılması planlaşdırılır”, - nazirliyin məlumatında vurğulanıb.
Xatırladaq ki, ötən gün Qazaxıstan hökuməti ölkənin dəniz infrastrukturunun inkişafı üzrə 2024-2028-ci illər üçün Kompleks Planı təsdiqləyib. Bu planla 2029-cu ilə qədər Aktau və Kurık limanlarının ötürücülük qabiliyyətinin ildə 21 milyon tondan 32 milyon tona, o cümlədən konteyner daşıma qabiliyyətinin ildə 200 min TEU-dək artırılması nəzərdə tutulur.
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO












