Paşinyan Makronla sülh prosesini müzakirə edib

Ermənistanın Baş naziri Nikol Paşinyan Yelisey sarayında Fransa Prezidenti Emmanuel Makronla görüşüb.
Avtosfer.az xəbər verir ki, bu barədə Ermənistan hökumətinin mətbuat xidməti məlumat yayıb.
Makron Ermənistan və Fransa arasında çoxsahəli əməkdaşlığın daha da inkişaf etdirilməsinin vacibliyini vurğulayıb və Fransanın Ermənistanın inkişafı və sabitliyinə dəstəyini bir daha təsdiqləyib.
Paşinyan qeyd edib ki, 2024-cü il Ermənistan və Fransa arasında münasibətlərdə son dərəcə dinamik il olub. Onun sözlərinə görə, iki ölkənin rəhbərləri və müvafiq idarələr səviyyəsində çoxlu görüşlər keçirilib, müntəzəm təmaslar davam etdirilir və hazırda Ermənistanla Fransa arasında münasibətlər yeni səviyyəyə yüksəlib.
Onlar iqtisadiyyat, infrastruktur, yol tikintisi, enerji, təhsil və turizm kimi sahələrdə ikitərəfli əməkdaşlığın inkişaf etdirilməsi, birgə layihələrin həyata keçirilməsi perspektivlərini müzakirə ediblər.
Tərəflər həmçinin Ermənistan və Azərbaycan arasında sülh prosesinə, sərhədlərin demarkasiyası prosesinin inkişafı və “Sülhün kəsişməsi” layihəsi çərçivəsində regional kommunikasiyaların blokunun açılmasına toxunublar. Paşinyan Ermənistan hökumətinin sülh gündəminə sadiqliyini vurğulayıb. Regional əhəmiyyət kəsb edən bir sıra digər məsələlər də müzakirə olunub.
Qeyd edək ki, Paşinyan Parisdə iki günlük işgüzar səfərdədir və burada süni intellektlə bağlı sammitdə iştirak edəcək.
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı












