Piyadaları təhlükəyə atan səki - VİDEO

Bu səki Badamdar şosesində yerləşir: Qurd qapısından təxminən 300 metr yuxarıda, yanacaqdoldurma məntəqəsinə yaxın, solda, işıqfora çatmağa təxminən 50 addım qalmış. 

Hörmətli oxucu soruşa bilər ki, nə üçün konkret ünvanı göstərmək əvəzinə, Şəki lətifəsindəki kimi danışırsan? Çünki məcburam: yolun təxminən 300 metrlik hissəsində heç bir ünvan göstəricisi yoxdur. 

Bu yolda piyadalar üçün ən böyük problem keçmişdə avtomobil satış mərkəzi olan, hazırda boş qalmış binanın qarşısındakı hissədir. Videodan da göründüyü kimi, piyadanın qarşısına qəflətən 1 metrdən çox dərinliyi olan uçurum çıxır. Buradan yıxılan şəxsin xəsarət alması qaçınılmazdır. 

Bu vəziyyəti görən piyadalar (o cümlədən bu sətirlərin müəllifi) məcburi şəkildə avtomobil yoluna çıxırlar. Yolun bu hissəsi eniş olduğundan nəqliyyatın da sürəti çoxdur. Vəziyyət həm piyadalar, həm də sürücülər üçün risklidir.