Polis əməkdaşı gecə vətəndaşa zəng edib görün nə dedi: "Telefonu götürməsəydin səhərə kimi..."

Bakıda polis əməkdaşlarının etdiyi hərəkət gündəm olub. Avtosfer.az xəbər verir ki,  bu barədə Emil Fərzəli adlı sosial şəbəkə istifadəçisi məlumat yayıb. O bildirir ki, avqustun 9-da, gecə saat 01:30 radələrində polis əməkdaşı tərəfindən ona zəng olunaraq avtomobilinə yaxınlaşmağı bildirilib: “Rövşən Abbasov adlı polis əməkdaşı şəxsi nömrəmə zəng edərək mənə məxsus olan avtomobilin yanına yaxınlaşmağımı xahiş etdi. Avtomobilə yaxınlaşan zaman ön şüşəni bağlamadığımın şahidi oldum.

Belə ki, yaşayış binasının qarşısında asayişimizin keşiyində duran polis əməkdaşı şəxsi mülkümə zərər dəyə biləcəyi üçün avtomlbilin önündə növbə tutaraq gözləyib və məni taparaq xəbərdar edib. Bundan əlavə polis əməkdaşı mənə "telefonu götürməsəydin səhərə kimi avtomobili qorumaq məcburiyyətində qalacaqdıq" dedi. Bu nəzakətli və qürurverici davranışına görə başda Daxili İşlər Nazirliyinin rəhbərliyi olmaqla bütün əməkdaşlara minnətdarlığımı bildirirəm. Serjant Abbasov Rövşənin xidməti borcunu yerinə yetirərkən atdığı addım polis nüfuzunun vətəndaş qarşısında yüksəlməsinə və polisə olan etimadın artmasına səbəbdir. Mənim əmlakımı bu cür qoruduğunuz üçün sizə minnətdaram” – deyə Emil Fərzəli bildirib.

Leyla